Svatovi svatovi, ča bi vas prosila, jeli udovica mrvu jačit smila.
Posluhni rožica, mila zaručnjica, ča ću ti zajačit od mojega srca.
Neću ji ja čuda, neg tri il četire, da svatovim bude srce veselije.
Kumaj si se jutro od sna prebudila i rumena lica suzamo smočila.
Jur si si počela tužno razmišljavat, da moreš od oca i majke sprohadjat.
Veseo čas i vrime, ki će preminuti, nigdar ti se neće najzad povrnuti.
Kad ti projdeš, roža, crikvu na poruku onda ti daj majki, ocu desnu ruku.
Tr je lipo prosi ti za oprošćenje. Sad mi oprostite vaše bantovanje.